Soláthraíonn Litearthacht Aosaigh teagasc litearthachta, uimhearthachta agus ríomhaireachta i dtimpeallacht thacúil d’aosaigh ar mian leo a gcuid scileanna léitheoireachta, scríbhneoireachta litrithe agus mata a fheabhsú agus a bhfuil cabhair ag teastáil uathu le cúrsaí teicneolaíochta. Tá sé dírithe ar dhaoine a d’fhág an scoil go luath, a d’fhág an córas oideachais i bhfad ó shin nó a bhfuil deacrachtaí foghlama sonracha acu. Cuireann foireann na seirbhíse fáilte roimh fhoghlaimeoirí aosaigh, beag beann ar aois ná cúlra. D’fhéadfaí seisiúin duine le duine a eagrú nó seisiún le haghaidh grúpa beag daoine.

Creidiúnú

D’fhéadfadh go mbeadh cúrsaí creidiúnaithe nó neamhchreidiúnaithe.

• Is féidir creidiúnú a thairiscint trí Mhórdhámhachtainí agus Miondámhachtainí QQI, idir Leibhéal 1 agus Leibhéal 3.
• Is gearrchúrsaí iad cúrsaí neamhchreidiúnaithe atá deartha chun riachtanais oiliúna ar leith a chomhlíonadh.