Déanann an meascán sainiúil de chláir acadúla agus ghairmoideachais a chuireann an scoil ar fáil i dtimpeallacht mhealltach agus dhea-ordúil scoláirí a ullmhú go fíormhaith déileáil le héilimh agus dúshláin shíorathraitheacha ár sochaí nua-aimseartha agus an iomaí deis ilchineálach a chuireann sé ar fáil a thapú.

Anuas ar an réimse iomlán croíchlár acadúil – an Ardteistiméireacht, an Teastas Sóisearach, Clár na hArdteistiméireachta Feidhmí, Gairmchlár na hArdteistiméireachta – cuireann an scoil réimse fairsing cúrsaí, tacaíochtaí agus acmhainní eile ar fáil a shaincheaptar go n-oireann siad do riachtanais scoláirí aonair. Creidimid sa chur chuige iomlánaíoch i leith an oideachais agus, ar an ábhar sin, táimid méaite ar oideachas a chur ar ár scoláirí i dtimpeallacht lách thacúil a bhfuil de chuspóir aige an duine iomlán a aibiú agus a fhorbairt san éagsúlacht agus sa chastacht uile a bhaineann leis sin. Cuireann réimse fairsing cláir forbartha pearsanta, gníomhaíochtaí seach-churaclaim agus socrúchán taithí oibre leis an gcroíchuraclam, ar an ábhar sin.